Londonning "Arsenal" klubi ustozi Mikel Arteta Yevropa Chempionlar Ligasi chorak finali doirasida Madridning "Real" klubi bilan bo‘ladigan to‘qnashuvga izoh berdi.
"Jamoa raqibdan yaxshiroq ekanimizga ishonishi kerak. Uchrashuvning birinchi soniyasidan oxirgi soniyasigacha. Chempionlar Ligasida o‘yin taqdirini epizodlar hal qilishi mumkinligini juda yaxshi bilamiz," - deya ispaniyalik mutaxassisning so‘zlarini keltiradi AS.
"Arsenal" va "Real" o‘rtasidagi ilk uchrashuv 8 aprel kuni Londondagi stadionda bo‘lib o‘tadi.
