Italiya futbolida A Seriyaning 31-tur uchrashuvlari bo‘lib o‘tdi. Turnir jadvalida peshqadamlik qilayotgan “Inter” “Parma” bilan o‘yinda g‘alabani qo‘ldan boy berdi. Uchrashuvdagi voqealarni italiyalik futbol faxriysi, “Milan”ning sobiq himoyachisi Alessandro Kostakurta izohladi.
"Inter" so‘nggi paytlarda ko‘p gol o‘tkazib yubormoqda. Oxirgi o‘yinlarda ko‘rayotganim shuki, jamoada maydon markazida yaxshi filtr yo‘q. Bu himoyadagi muammo emas, bu yarim himoya muammosi. Maydon markazida kerakli ish olib borilmayapti", - deya Kostakurta so‘zlarini keltiradi fcinter1908.it.
Eslatib o‘tamiz, “Inter” Italiyaning amaldagi chempioni hisoblanadi.
