Italiya futbolida A Seriyaning 31-tur uchrashuvlari bo‘lib o‘tdi. Turnir jadvalida peshqadamlik qilayotgan “Inter” “Parma” bilan o‘yinda g‘alabani qo‘ldan boy berdi. Uchrashuvdagi voqealarni klub bosh murabbiyi Simone Indzagi o‘rinbosari Massimiliano Farris izohladi.
"Birinchi bo‘limda biz hamma narsani nazorat qildik va hattoki yana bir nechta imkoniyatlarni qo‘ldan boy berdik. Hozir futbolchilar bilan birga o‘tirib, keyin nima bo‘lganini tahlil qilishimiz kerak. Biz xafa bo‘ldik, lekin baribir taqdirimizning xo‘jayini bo‘lib qolamiz", - deya mutaxassis so‘zlarini keltiradi fcinter1908.it.
Shunga qaramay, “Inter” Italiya chempionati turnir jadvalida birinchi o‘rinda qolmoqda, uni Antonio Konte boshchiligidagi “Napoli” ta’qib qilmoqda.
