Италия футболида А Сериянинг 31-тур учрашувлари бўлиб ўтди. Турнир жадвалида пешқадамлик қилаётган “Интер” “Парма” билан ўйинда ғалабани қўлдан бой берди. Учрашувдаги воқеаларни клуб бош мураббийи Симоне Индзаги ўринбосари Массимилиано Фаррис изоҳлади.
"Биринчи бўлимда биз ҳамма нарсани назорат қилдик ва ҳаттоки яна бир нечта имкониятларни қўлдан бой бердик. Ҳозир футболчилар билан бирга ўтириб, кейин нима бўлганини таҳлил қилишимиз керак. Биз хафа бўлдик, лекин барибир тақдиримизнинг хўжайини бўлиб қоламиз", - дея мутахассис сўзларини келтиради fcinter1908.it.
Шунга қарамай, “Интер” Италия чемпионати турнир жадвалида биринчи ўринда қолмоқда, уни Антонио Конте бошчилигидаги “Наполи” таъқиб қилмоқда.
