Superliganing 4-tur o‘yinida "Paxtakor" Jizzaxda "So‘g‘diyona" mehmoni bo‘ladi.

Milliy chempionatlar doirasida o‘zaro 58 uchrashuv bo‘lib o‘tgan. 44 bellashuvda "sherlar" g‘alabaga erishgan bo‘lsa, 7ta o‘yinda durang qayd etilgan va 7 bahsda "So‘g‘diyona" zafar quchgan. 135 gol urgan "sherlar" o‘z darvozasidan 47 to‘p o‘tkazib yuborishgan. 

Jizzaxdagi o‘yinlarning 19 tasida "Paxtakor" muvaffaqiyatga erishgan. Besh marta mezbonlarning qo‘li baland kelgan va besh bor durang natija qayd etilgan.

Eslatib o‘tamiz, "So‘g‘diyona" va "Paxtakor" jamoalari o‘rtasidagi o‘yin 6 aprel yakshanba kuni soat 18:00 da "So‘g‘diyona" stadionida bo‘lib o‘tadi.