"Milan" ketma-ket uchta o‘yinda g‘alaba qozona olmadi.
Serjiu Konseysau jamoasi kecha Italiya A Seriyasining 31-turida "Fiorentina"ga (2:2) qarshi bahs olib bordi. Bungacha Italiya kubogida "Inter" bilan durang (1:1) va chempionatda "Napoli"dan mag‘lubiyat (1:2) qayd etilgandi.
18 fevraldan boshlab "rossonerilar" turli musobaqalarda to‘qqizta o‘yin o‘tkazdi. Faqat ikki marta g‘alaba qozonildi, to‘rtta o‘yin mag‘lubiyat bilan yakunlandi, yana uchtasida durang qayd etildi.
"Milan" A Seriyadagi 31 o‘yindan keyin 48 ochko bilan 9-o‘rinda bormoqda.
