"Милан" кетма-кет учта ўйинда ғалаба қозона олмади.
Сержиу Консейсау жамоаси кеча Италия А Сериясининг 31-турида "Фиорентина"га (2:2) қарши баҳс олиб борди. Бунгача Италия кубогида "Интер" билан дуранг (1:1) ва чемпионатда "Наполи"дан мағлубият (1:2) қайд этилганди.
18 февралдан бошлаб "россонерилар" турли мусобақаларда тўққизта ўйин ўтказди. Фақат икки марта ғалаба қозонилди, тўртта ўйин мағлубият билан якунланди, яна учтасида дуранг қайд этилди.
"Милан" А Сериядаги 31 ўйиндан кейин 48 очко билан 9-ўринда бормоқда.
