"Nasaf" ustozi Ro‘ziqul Berdiyev kecha bo‘lib o‘tgan "Sho‘rtan"ga qarshi bahsdan so‘ng fikr bildirdi.
"Muxlislarni g‘alaba bilan tabriklaymiz. Raqibga ham o‘ynash imkonini berdik. Raqib xatolaridan unumli foydalandik.
Fikrimcha, o‘yinni to‘liq nazorat qildik. Ikkinchi bo‘limning dastlabki 15-20 daqiqaligida biroz raqibga to‘p nazoratida ustunlikni berib qo‘ydik deya olaman. O‘sha vaziyatni hisobga olmaganda qolgan daqiqalarda nazorat bizda bo‘ldi.
Jamoaga yordam berishga tayyor ko‘p futbolchilarimiz bor. O‘tgan o‘yinda G‘olibdan foydalangandik. Umar tiklanib bo‘lganidan so‘ng unga imkon berdik.
Menimcha, vazifasini yaxshi bajarishdi. Sherzod yo‘qligi uchun Sharofni chap qanotga tushirdik. Zafarmurod hozir eng yaxshi holatida va maydonda yaxshi harakat qilyapti.
Ko‘p emas 3 ta pozisiyada o‘zgarish qildik. Futbolchilar har qanday holatda o‘yin amaliyotiga ega bo‘lib turishi kerak.
Shu bois bugun boshqa futbolchilarga imkon berdik. Kenjaboev va Davronov umumiy guruhda shug‘ullanishmoqda. Ular yaqin orada sport formasini yaxshilay oladi", – dedi murabbiy.
