"Насаф" устози Рўзиқул Бердиев кеча бўлиб ўтган "Шўртан"га қарши баҳсдан сўнг фикр билдирди.

"Мухлисларни ғалаба билан табриклаймиз. Рақибга ҳам ўйнаш имконини бердик. Рақиб хатоларидан унумли фойдаландик.

Фикримча, ўйинни тўлиқ назорат қилдик. Иккинчи бўлимнинг дастлабки 15-20 дақиқалигида бироз рақибга тўп назоратида устунликни бериб қўйдик дея оламан. Ўша вазиятни ҳисобга олмаганда қолган дақиқаларда назорат бизда бўлди.

Жамоага ёрдам беришга тайёр кўп футболчиларимиз бор. Ўтган ўйинда Ғолибдан фойдалангандик. Умар тикланиб бўлганидан сўнг унга имкон бердик.

Менимча, вазифасини яхши бажаришди. Шерзод йўқлиги учун Шарофни чап қанотга туширдик. Зафармурод ҳозир энг яхши ҳолатида ва майдонда яхши ҳаракат қиляпти.

Кўп эмас 3 та позицияда ўзгариш қилдик. Футболчилар ҳар қандай ҳолатда ўйин амалиётига эга бўлиб туриши керак.

Шу боис бугун бошқа футболчиларга имкон бердик. Кенжабоэв ва Давронов умумий гуруҳда шуғулланишмоқда. Улар яқин орада спорт формасини яхшилай олади", – деди мураббий.