"Manchester Siti" o‘tgan yanvar oyida Olmoni sotib olishga uringan. Bu haqda Sport.es xabar bermoqda.

Manbaga ko‘ra, "shaharliklar" 26 yoshli futbolchini jamoa sxemasiga yaxshi mos keladi, deb hisoblashgan. Bundan tashqari, Olmo 33 yoshli yarim himoyachi Kevin De Bryuynega o‘rinbosar sifatida ko‘rildi.

Eslatib o‘tamiz, yanvar oyida Ispaniya Oliy sport kengashi “Barselona”ga Olmoni mavsumning ikkinchi qismida ishtirok etish uchun vaqtincha ro‘yxatdan o‘tkazishga ruxsat bergan edi.

Joriy mavsumda yarim himoyachi barcha musobaqalarda 28 ta o‘yinda ishtirok etib, 8 ta gol va 5 ta golli uzatmani amalga oshirdi.