Jizzaxdagi uchrashuvdan so‘ng "Paxtakor" bosh murabbiyi Pedru Moreyra bahs xususida fikrlarini aytib o‘tdi.
- Bugun avvalgi o‘yindagi singari hujumkor futbol namoyish qilishni maqsad qilgandik. Birinchi bo‘limda o‘yinni nazorat qildik, bir necha vaziyatlar yaratdik. Ammo ulardan foydalana olmadik. Raqib ikkinchi bo‘lim boshida ikki gol urdi. Shundan keyin oldinga tashlandik, yuqoriroq o‘ynadik. Biroq bu samara bermadi. Biz tezroq o‘ynashimiz kerak. Raqibning ortidan yugurib yurish kerak emas. Tezroq o‘zimizga kelib, chorshanba kungi bellashuvga hozirlikni boshlashimiz lozim.
Raqib jarima maydoniga tezlik bilan yaqinlashishga urinyapmiz. Hozircha bizga sifat yetishmayapti. Qanotdan to‘p uzatishlarni aniqroq qilish ustida ishlashimiz lozim. Sifatni oshirgan taqdirimizda ishlarimiz yaxshilanadi.
To‘pni nazorat qilayotganda hujum yakunini keskinroq ko‘rinishga olib kelish ustida ishlaymiz. O‘zimizga ishonib, mehnat qilishda davom etishimiz lozim.













