Angliya chempionatida 31-tur o‘yinlari bo‘lib o‘tdi, ulardan eng asosiysi Manchesterning ikki klubi o‘rtasidagi bahs bo‘ldi - "Yunayted" o‘z maydonida "Manchester Siti"ni qabul qildi. O‘yin 0:0 hisobida durang bilan yakunlandi.
Shu tariqa, "Manchester Yunayted" o‘zaro to‘qnash kelgan barcha turnirlar doirasida qatorasiga 4 o‘yindan beri "Manchester Siti"ga yutqazmayapti.
"Manchester Yunayted"ning "shaharliklar"ga qarshi bunday muvaffaqiyatli seriyasi oxirgi marta ser Aleks Fergyuson davrida bo‘lgan - o‘shanda, 2010 yilning yanvaridan 2011 yilning fevraligacha "Manchester Yunayted" ketma-ket to‘rtta o‘yinda "Siti"ga yutqazmagan.
