“Roma” bosh murabbiyi Klaudio Ranyerining fikricha, “Yuventus” mavsum yakunida A Seriyada kuchli to‘rtlikka kira oladi. Yakshanba kuni rimliklar o‘z maydonida Igor Tudor jamoasi bilan durang o‘ynadi (1:1).
"Yuventus" ajoyib jamoa. Agar bashorat qilishim kerak bo‘lsa, "Yuve"ning kuchli to‘rtlikdan joy olishiga pul tikaman. Afsuski, bugun biz o‘yinning eng yaxshi davrini o‘tkazayotganimizda raqib gol urdi", - deydi Ranyeri.
“Keksa sinyora” 31 turdan keyin 56 ochko bilan turnir jadvalida beshinchi o‘rinda bormoqda.













