Hozirda "Real Madrid"ning ikkinchi jamoasini boshqarayotgan mashhur sobiq hujumchi Raul Gonsales Raul Asensioning o‘yini haqida gapirdi.

22 yoshli markaziy himoyachi joriy mavsumda himoyadagi kadrlar inqirozi tufayli “Kastilya”dan “Los-Blankos”ga transfer qilingan edi. Futbolchi o‘zini ko‘rsata oldi va Karlo Anchelotti jamoasidan o‘rin oldi.

"Asensio har bir o‘yinda borini berishga tayyor ekanligini isbotlaydi. U har qanday o‘yinda qatnashishga tayyor. Bizning barcha yosh futbolchilarimiz hissa qo‘shishga qodir. Barchasi Karlo Anchelottiga aynan nima kerakligiga bog‘liq", - deydi Raul Gonsales.

Asensio “Real” safida 32 ta o‘yin o‘tkazib, 2 ta golli uzatmaga mualliflik qilgan.