"Manchester Siti" markaziy himoyachisi Ruben Diash Kevin de Bryuyne jamoasini tez orada tark etishi haqida fikr bildirdi.
Belgiyalik yarim himoyachi mavsum yakunlangach, jamoani erkin agent sifatida tark etadi.
"Bu unchalik ham yaxshi yangilik emas. U nafaqat o‘yinchi, balki hammamiz uchun do‘st, o‘ziga xos inson. Uning biz bilan o‘tkazayotgan har bir soniyasidan lazzatlanish kerak.
Uning qilgan ishini so‘z bilan ta’riflash qiyin. Biz uchta turnirda, jumladan, klublar o‘rtasidagi jahon chempionatida ishtirok etishda davom etmoqdamiz va imkon qadar yaxshiroq o‘ynashimiz kerak. Kevin chiroyli ketishga loyiq," - dedi Diash.
