"Манчестер Сити" марказий ҳимоячиси Рубен Диаш Кевин де Брюйне жамоасини тез орада тарк этиши ҳақида фикр билдирди.
Бельгиялик ярим ҳимоячи мавсум якунлангач, жамоани эркин агент сифатида тарк этади.
"Бу унчалик ҳам яхши янгилик эмас. У нафақат ўйинчи, балки ҳаммамиз учун дўст, ўзига хос инсон. Унинг биз билан ўтказаётган ҳар бир сониясидан лаззатланиш керак.
Унинг қилган ишини сўз билан таърифлаш қийин. Биз учта турнирда, жумладан, клублар ўртасидаги жаҳон чемпионатида иштирок этишда давом этмоқдамиз ва имкон қадар яхшироқ ўйнашимиз керак. Кевин чиройли кетишга лойиқ," - деди Диаш.
