"Bavariya" Leroy Sane bilan shartnomani uzaytirmoqchi.
Myunxen klubi sport direktori Maks Eberl 29 yoshli vingerga yangi shartnoma taklif qilishni rejalashtirmoqda, deb yozadi Sky Sport jurnalisti Florian Plettenberg. Bu haqda direktorlar kengashi va kuzatuv kengashi xabardor qilingan va futbolchi bilan hamkorlikni davom ettirishga rozilik bildirgan. Chunki Sanening o‘yini tobora ishonchliroq bo‘lib bormoqda, futbolchining o‘zi esa qolishni juda xohlaydi.
"Bavariya" futbolchi bilan 3 yillik shartnoma imzolash imkoniyatini muhokama qilmoqda. Leroy maoshini kamaytirishga tayyor.
"Arsenal" hamon Sanega qiziqish bildirmoqda va so‘nggi kunlarda futbolchi tomon bilan aloqaga chiqqan. Ammo nemis uchun ustuvor variant - "Bavariya" bilan shartnomani uzaytirish.
Leroy joriy mavsum Bundesligada 24 ta o‘yinda maydonga tushdi va 9 ta gol hamda 4 ta golli uzatmaga mualliflik qildi.
