Seshanba kuni Madridning "Real" klubi Chempionlar ligasi chorak finalining dastlabki o‘yinida "Arsenal"ga qarshi maydonga tushadi. O‘yin Londonda bo‘lib o‘tadi, uning boshlanishi Toshkent vaqti bilan 00:00 ga belgilangan.

COPE xabariga ko‘ra, "qaymoqranglilar" darvozasidan Tibo Kurtua joy oladi. Himoyada David Alaba, Antonio Ryudiger, Raul Asensio va Lukas Vaskes, o‘rta chiziqda Jud Bellingem, Eduardo Kamavinga va Federiko Valverde, hujum uchligida Vinisius Junior, Kilian Mbappe va Rodrigo harakat qiladi.

Eslatib o‘tamiz, avvalroq Federiko Valverde o‘ng qanot himoyasida o‘ynashi mumkinligi taxmin qilingandi - bunday holatda uning o‘rnini Luka Modrich egallagan bo‘lardi.