"An-Nasr" klubi va Portugaliya terma jamoasi forvardi Krishtianu Ronaldu ijtimoiy tarmoqdagi sahifasida post qoldirdi. 40 yoshli futbolchi mashg‘ulotdan olingan bir nechta fotosuratlarni e’lon qildi va ularga qisqa matn ilova qildi. Unda Ronaldu muvaffaqiyatga faqat bir yo‘l bilan erishish mumkinligini ta’kidladi - qattiq mehnat evaziga.
"Mashaqqatli mehnat - muvaffaqiyatga erishishning yagona yo‘li," - deb yozgan Ronaldu.
Saudiya Arabistoni chempionatining navbatdagi o‘yinini "An-Nasr" 12 aprel, shanba kuni o‘tkazadi. Stefano Pioli jamoasi "Ar-Riyod"ni qabul qiladi.
