Himoyachi Ibraim Konatening "Liverpul" bilan amaldagi shartnomasi 2026 yilning yarmigacha mo‘ljallangan. Mersisaydliklar Trent Aleksandr-Arnold, Muhammad Saloh va Virjil van Deykning holatlarini takrorlamaslik uchun fransuz bilan kelishuvni tezroq uzaytirmoqchi. Ushbu uchlikning mehnat shartnomalari joriy yilning iyun oyi oxirida tugaydi va ularning kelajagi noaniq.

Konatega qaytadigan bo‘lsak, futbolchi "Liverpul" bilan muzokaralarda jiddiy talab qo‘ygan. The Times xabariga ko‘ra, 25 yoshli fransuz haftasiga 200 ming funt maosh so‘ragan. Hozir Konate ancha kam - haftasiga 80 ming oladi.

Ibraim Konate 2024/2025 yilgi mavsumda 36 ta o‘yinda maydonga tushib, ikkita gol urdi va ikkita golli uzatmani amalga oshirdi.