"Atalanta"ning 21 yoshli himoyachisi Jorjio Skalvini allaqachon italyan klubining doimiy asosiy tarkib futbolchisi hisoblanadi. Mundo Deportivo xabariga ko‘ra, u ishonchliligi, o‘yinni o‘qiy olishi va hujumlarni chuqurdan boshlay olishi tufayli Yevropaning yetakchi klublari, jumladan, "Atletiko"ning e’tiborini tortdi.
Biroq, madridliklar italiyalikni qo‘lga kiritish oson bo‘lmasligini allaqachon bilishadi. Manbalarga ko‘ra, "Atalanta" allaqachon barcha manfaatdor klublar uchun boshlang‘ich narxni belgilab qo‘ygan - kamida 40 million yevro. Ular o‘yinchini hozirgi va kelajakning asosiy figurasi deb hisoblab, u bilan xayrlashishni xohlamaydilar.
Qo‘shimcha qilish kerakki, joriy mavsumda himoyachi og‘ir jarohatidan forig‘ bo‘lgan, shu bois u "Atalanta" safida barcha turnirlarda bor-yo‘g‘i 8 ta o‘yin o‘tkaza oldi.
