Lautaro Martines "Inter"da yettinchi mavsumni o‘tkazmoqda va jamoa sardori hisoblanadi. Biroq, mish-mishlar uni muntazam ravishda boshqa top-klublar, xususan, Angliya Premyer-ligasi klublari bilan bog‘lamoqda.
Todofichajes portalining xabar berishicha, Martinesni "Arsenal" o‘z safiga qo‘shib olmoqchi. Londonliklar bu mavsumda hujum chizig‘ida muammolarga duch kelishmoqda - hujum markazida ba’zan yarim himoyachi Mikel Merino o‘ynashiga to‘g‘ri kelmoqda.
"Arsenal" 27 yoshli Martines uchun taxminan 120 million yevro to‘lashga tayyor, ammo transferni amalga oshirish qiyin bo‘ladi. "Inter" o‘tgan yozda yangi shartnoma imzolagan yetakchisini yo‘qotmoqchi emas - uning amaldagi kelishuvi 2029 yilning yarmigacha.
