"Arsenal" yarim himoyachisi Deklan Rays "Real"ga qarshi chorak final uchrashuvi taqdirini hal qildi (3:0).
26 yoshli ingliz futbolchisi 58-daqiqada hisobni ochgan bo‘lsa, 70-daqiqada dubl qayd etdi. Opta xabariga ko‘ra, Rays Chempionlar Ligasi tarixida bir o‘yinda ikki marta jarima zarbasidan gol urgan beshinchi futbolchiga aylandi.
Ilgari buni Rivaldo (2000 yilda "Milan"ga qarshi), Krishtianu Ronaldu (2009 yil, "Syurix"), Neymar (2018 yil, "Srvena Zvezda") va Hakim Ziyesh (2023 yil, "Manchester Yunayted") amalga oshirgan.













