Oliy sudda tuhmat bo‘yicha ishning birinchi bosqichida sobiq futbolchi Jo Bartonning ijtimoiy tarmoqlarda Angliya terma jamoasi sobiq hujumchisi Ena Aluko va uning oilasi haqidagi xabarlarida yolg‘on mazmun borligi aniqlangan.

Teleboshlovchining xabar berishicha, Barton 2024 yil yanvar oyida "X" ijtimoiy tarmoqlarida ikki marta sud tuhmat deb topilgan ma’lumotni e’lon qilganidan keyin ijtimoiy tarmoqlarda zo‘ravonlik va haqorat bilan tahdid qilingan.

Bartonning ta’kidlashicha, Alukoning otasi moliyaviy jihatdan buzilgan va uning shaxsiy ta’limi uni ikkiyuzlamachi qilib qo‘ygan. Sobiq futbolchining otasi Gbenga Aluko uzoq vaqt siyosat bilan shug‘ullangan, xususan, Nigeriyaning Ekita shtatida senator bo‘lgan.

Oliy sud sudyasi Barton faktik emas, balki tuhmat qiluvchi shaxsiy fikrlarini e’lon qilgan deb qaror qildi.

38 yoshli Aluko fuqarolik sudining qarorini olqishladi va qo‘shimcha qildi: "Bu postlar mening shaxsiy va kasbiy shaxsim, daxlsizligim va oilaviy hayotimga, xususan, marhum otamga asossiz hujum edi".

Sobiq futbolchi bu sud qaroriga hozircha izoh bermadi. Aluko 2020 yilda televideniyeda faoliyatini davom ettirish uchun nafaqaga chiqishdan oldin "sherlar" safida 102 o‘yinda 33 ta gol urdi.

Futbolchilik faoliyati davomida Jo "Manchester Siti", "Nyukasl", "KPR", "Marsel" va "Byornli" klublarida o‘ynagan. Uning Angliya terma jamoasi safida 1 ta o‘yin bor.

Eslatib o‘tamiz, Barton yaqinda ikki yillik sinov muddati bilan 12 haftalik qamoq jazosiga hukm qilingan edi.