"Manchester Siti" hujumkor yarim himoyachisi Fil Foden klub bilan yangi shartnoma imzolashi mumkin.

24 yoshli futbolchi o‘tgan ajoyib mavsumdan so‘ng keskin pasaygani uchun tez-tez tanqid qilinadi, ammo "shaharliklar" rahbariyati yulduz tarbiyalanuvchisiga ishonadi. Jurnalist Nikolo Skiraning ma’lum qilishicha, "Manchester Siti" Foden bilan shartnomani uzaytirishni rejalashtirgan. O‘yinchi maoshiga katta ustama oladi. Dastlabki muhokamalar bo‘lib o‘tdi.

Fil Foden joriy mavsumda Xosep Gvardiola jamoasi safida 40 ta o‘yinda 10 ta gol va 6 ta golli uzatmaga mualliflik qilgan. Inglizning amaldagi kelishuvi 2027 yilning o‘rtalariga qadar mo‘ljallangan.