"Tottenxem" bosh murabbiyi Ange Postekoglu Yevropa Ligasi chorak finalidan o‘rin olgan "Ayntraxt"ga (1:1) qarshi o‘yindan so‘ng o‘z fikrlarini bildirib o‘tdi.
"Men futbolchilardan bundan ortig‘ini talab qila olmasdim. O‘yinni juda yaxshi nazorat qildik va bu ikkinchi bo‘limda o‘z samarasini beradi deb o‘ylagandim - shunday bo‘ldi ham, faqat gollar yetishmadi.
Tezkor o‘tkazib yuborilgan gol biz uchun jiddiy zarba bo‘ldi. Boshqa kuni bunday o‘yinda ishonch bilan g‘alaba qozongan bo‘lardik. Agar bir haftadan keyin ham shunday o‘ynasak, bizda yaxshi imkoniyatlar bor, ammo o‘yin ochiq bo‘ladi, deb o‘ylamayman. Barchasini kichik epizodlar hal qiladi," - dedi Postekoglu.
