"Barselona" vingeri Lamin Yamal faoliyatini Angliya chempionatida davom ettirishi mumkin. Bu haqda Barca Universal ispan OAVlariga tayanib xabar berdi.
Manbaga ko‘ra, "Manchester Siti" futbolchini sotib olishga qiziqmoqda va "blaugrana"ga transfer uchun 275 million yevro taklif qilgan.
Qayd etish kerakki, transfer amalga oshirilgan taqdirda Yamalning transferi futbol tarixidagi eng qimmat transferga aylanishi mumkin.
Joriy mavsumda Lamin Yamal barcha turnirlarda 43 ta uchrashuvda qatnashib, 14 ta gol urdi va 21 ta golli uzatmani amalga oshirdi.
