"Bavariya" bosh murabbiyi Vensan Kompani Dortmundning "Borussiya" klubiga qarshi kechgan o‘yin (2:2) haqidagi taassurotlari bilan o‘rtoqlashdi.
Uchrashuv Bundesliganing 29-turi doirasida Myunxenda bo‘lib o‘tdi.
"Birinchi o‘tkazib yuborilgan golgacha yuqori tempni saqlab qoldik, doimiy ravishda vaziyatlar yaratdik. "Borussiya"ning golidan keyin "kubok futboli" boshlandi. Muxlis sifatida bunday o‘yinni tomosha qilish uchun jon deb chipta sotib olgan bo‘lardim. Lekin murabbiy sifatida, albatta, birinchi bo‘limdagidan ko‘ra ko‘proq nazoratni xohlaysan. G‘alaba uchun oxirigacha kurashdik, raqiblar haqida ham shunday deyish mumkin. Aralash tuyg‘ular," - deya Kompani so‘zlarini keltiradi Bayern & Germany.
