Yakshanba kuni “Liverpul” o‘z maydonida “Vest Xem”ni 2:1 hisobida mag‘lub etdi. Natijada, Angliya Premyer-ligasi turnir jadvalida peshqadam mersisaydliklar va ikkinchi o‘rindagi “Arsenal” o‘rtasidagi farq 13 ochkoga yetdi. Jamoalarning oltita uchrashuvi qoldi, ya’ni har biri 18 ochkodan to‘plashi mumkin.
"Liverpul" keyingi turdayoq chempionlik unvonini qo‘lga kiritishi mumkin. Agar Arne Slot shogirdlari "Lester"ni mag‘lub etsa va "Arsenal" "Ipsvich"ga yutqazsa, bu sodir bo‘ladi. Har ikki o‘yin 20 aprel, yakshanba kuni bo‘lib o‘tadi.
"Liverpul" oxirgi marta 2020 yilda Angliya chempioniga aylangandi.
