"Barselona" darvozaboni Mark-Andre ter Shtegen jarohatidan tiklanish davrida jamoadagi o‘rni haqida gapirdi.

Germaniyalik darvozabon tizzasidagi og‘ir jarohatini davolashda davom etmoqda, shu sababli u o‘tgan yilning sentyabr oyidan beri maydonga tushmayapti.

"Hozir maydonda jamoaga yordam bera olmayapman, lekin boshqa yo‘llar bilan, ko‘zga tashlanmaydigan narsalarda o‘z hissamni qo‘shishga harakat qilyapman. Mening vazifam maydonda va maydon tashqarisida jamoada muvozanatni topish edi - mana shu oylar davomida aynan shu bilan shug‘ullandim," - deya "ko‘k-anorranglilar" sardori intervyusidan iqtibos keltiradi Barca Universal.