"Inter Mayami" MLS doirasida "Chikago Fayr"ga qarshi safar o‘yinida durang o‘ynadi.

Lionel Messi o‘yinni asosiy tarkibda boshladi va so‘nggi daqiqalargacha o‘ynadi, biroq "lochinlar"ning g‘alabasiga yordam bera olmadi. Yulduz argentinalik MLSning joriy mavsumida birinchi marta samarali harakat qila olmadi. Avvalgi uchta uchrashuvda 37 yoshli forvard bittadan gol urgan, birinchi turda esa jamoadoshlariga ikki marta golli pas uzatgan.

Lionel Messi joriy yil boshidan buyon "Inter Mayami" safida barcha musobaqalarda o‘nta o‘yinda maydonga tushib, sakkizta gol urdi va uchta golli uzatmani amalga oshirdi.

19 aprel kuni Xavyer Maskerano jamoasi safarda "Kolumbus Kryu" mehmoni bo‘ladi.