"Bavariya"ning faxriy prezidenti va direktorlar kengashi a’zosi Uli Xyoness "Bayer" yarim himoyachisi Florian Virs bilan shartnoma imzolashi mumkinligi haqidagi savolga javob berdi.
21 yoshli futbolchi Myunxen grandining asosiy transfer maqsadlaridan biri hisoblanadi, ammo "dorishunoslar" yulduzining narxi juda yuqori - turli manbalar ta’kidlaganidek, kamida 120 mln yevro.
"Bavariya" juda yaxshi holatda. Hozir hammasi avvalgidek emas, hisobimizda 100-150 mln yevro bor edi. Albatta, agar klub istasa, bunday transferni amalga oshirishi mumkin. Gap shundaki, Virsning "Bayer" bilan yana ikki yillik shartnomasi bor. Boshqa aytadigan gapim yo‘q," - deya Xyonessning so‘zlarini keltiradi Bayern & Germany.
