"Manchester Yunayted" sardori Brunu Fernandesh "Nyukasl"dan uchralgan yirik mag‘lubiyatdan so‘ng (1:4) o‘z fikrlarini bildirib o‘tdi.

Uchrashuv Angliya Premyer-ligasining 32-turi doirasida bo‘lib o‘tdi. "Qizil iblislar" "qarg‘alar" bilan o‘yindagi muvaffaqiyatsizlikdan so‘ng turnir jadvalida 14-o‘ringa joylashdi.

"Bu mavsum biz uchun juda og‘ir kechayotgani aniq. Biz barqarorlik yetishmayotgani tufayli shu ahvolga tushib qoldik. Bizga ko‘pincha qo‘rqmaslik, jasorat yetishmaydi, ammo bugun gap bunda emasdi - aksincha, dadil o‘ynashga urinib, gol o‘tkazib yubordik. Bu "Manchester Yunayted" ekanini tushunish kerak, shuning uchun tanqid doim bo‘ladi," - dedi Fernandesh Sky Sports'ga bergan intervyusida.