La Gazzetta dello Sport nashri tarqatgan xabarga ko‘ra, Federiko Dimarko "Inter" safida Chempionlar ligasi chorak finalining 16 aprel, chorshanba kuni "San-Siro"da bo‘lib o‘tadigan "Bavariya"ga qarshi javob o‘yinini asosiy tarkibda boshlaydi.

Italiyalik qanot himoyachisi Simone Indzagining sxemasida asosiy o‘yinchi hisoblanadi, ammo mart oyida u tizza osti payidan jarohat olib, bir necha haftaga safdan chiqdi. Xalqaro tanaffusdan so‘ng, Dimarko A Seriyada uch marta maydonga tushdi, ammo barcha holatlarda u taxminan 60-daqiqada almashtirildi, "Bavariya" bilan birinchi o‘yinda va Italiya kubogi yarim finalida "Milan"ga qarshi o‘yinda u maydonga tushmadi - uning pozisiyasini chap qanotda Karlos Augusto egalladi.

Nashr ma’lumotiga ko‘ra, chorshanba kuni 27 yoshli italiyalik futbolchi asosiy tarkibga qaytadi. Indzagi hali ham A Seriyaning so‘nggi o‘yinlarida bo‘lgani kabi uning o‘yin vaqtini cheklashni rejalashtirmoqda, shuning uchun ikkinchi bo‘limda almashtirish ehtimoli bor. Unday bo‘lsa, uning o‘rnini yana Augusto egallaydi.

Eslatib o‘tamiz, "Inter" birinchi o‘yindan keyin 2:1 hisobida oldinda bormoqda.