La Gazzetta dello Sport нашри тарқатган хабарга кўра, Федерико Димарко "Интер" сафида Чемпионлар лигаси чорак финалининг 16 апрель, чоршанба куни "Сан-Сиро"да бўлиб ўтадиган "Бавария"га қарши жавоб ўйинини асосий таркибда бошлайди.
Италиялик қанот ҳимоячиси Симоне Индзагининг схемасида асосий ўйинчи ҳисобланади, аммо март ойида у тизза ости пайидан жароҳат олиб, бир неча ҳафтага сафдан чиқди. Халқаро танаффусдан сўнг, Димарко А Серияда уч марта майдонга тушди, аммо барча ҳолатларда у тахминан 60-дақиқада алмаштирилди, "Бавария" билан биринчи ўйинда ва Италия кубоги ярим финалида "Милан"га қарши ўйинда у майдонга тушмади - унинг позициясини чап қанотда Карлос Аугусто эгаллади.
Нашр маълумотига кўра, чоршанба куни 27 ёшли италиялик футболчи асосий таркибга қайтади. Индзаги ҳали ҳам А Сериянинг сўнгги ўйинларида бўлгани каби унинг ўйин вақтини чеклашни режалаштирмоқда, шунинг учун иккинчи бўлимда алмаштириш эҳтимоли бор. Ундай бўлса, унинг ўрнини яна Аугусто эгаллайди.
Эслатиб ўтамиз, "Интер" биринчи ўйиндан кейин 2:1 ҳисобида олдинда бормоқда.
