Italiyaning "Komo" klubi o‘zining uy arenasi Juzeppe Sinigaglia sig‘imini oshirish bo‘yicha ishlarni davom ettiradi.
2 yil avval amalga oshirilgan modernizasiya natijasida arenadagi o‘rindiqlar soni 7498 tadan 10500 taga ko‘paydi. Yaqin kelajakda bu ko‘rsatkich 12 mingtaga ko‘tariladi va bir yildan so‘ng arena keng ko‘lamli rekonstruksiyadan o‘tkaziladi, buning natijasida stadionga kamida 15 ming tomoshabin tashrif buyurishi mumkin bo‘ladi. Loyiha jamoa egalari, indoneziyalik millioner aka-uka Hartonolar tomonidan moliyalashtiriladi.
Bu mavsum "Komo" uchun 20 yildan ortiq vaqtdan beri A Seriyada birinchi bo‘ldi. Ispaniyalik Sesk Fabregas boshchiligidagi jamoa 32 uchrashuvda 36 ochko jamg‘argan holda chempionatda o‘n uchinchi o‘rinda bormoqda.
