"Napoli" bosh murabbiyi Antonio Konte A Seriya chempionligi uchun kurash haqidagi fikrlari bilan o‘rtoqlashdi. Dushanba kuni neapolliklar 32-tur uchrashuvida Skott Maktominayning dubli va Romelu Lukakuning goli (3:0) evaziga o‘z maydonida "Empoli"ni mag‘lub etishdi. Konte jamoasi turnir jadvalida ikkinchi o‘rinda, hamon "Inter"dan 3 ochko ortda qolmoqda.

"O‘ylashimcha, odamlar, jumladan, gazetalar va ommaviy axborot vositalari Skudetto uchun kurashdagi intriga haligacha davom etayotgani uchun "Napoli"ga minnatdorchilik bildirishlari kerak. Aks holda, biz allaqachon mavsum yakunlangani haqida gapirgan bo‘lardik", dedi Konte.

19-aprel, shanba kuni “Napoli” safarda “Monsa”ga qarshi bahs olib boradi.