"Наполи" бош мураббийи Антонио Конте А Серия чемпионлиги учун кураш ҳақидаги фикрлари билан ўртоқлашди. Душанба куни неаполликлар 32-тур учрашувида Скотт Мактоминайнинг дубли ва Ромелу Лукакунинг голи (3:0) эвазига ўз майдонида "Эмполи"ни мағлуб этишди. Конте жамоаси турнир жадвалида иккинчи ўринда, ҳамон "Интер"дан 3 очко ортда қолмоқда.
"Ўйлашимча, одамлар, жумладан, газеталар ва оммавий ахборот воситалари Скудетто учун курашдаги интрига ҳалигача давом этаётгани учун "Наполи"га миннатдорчилик билдиришлари керак. Акс ҳолда, биз аллақачон мавсум якунлангани ҳақида гапирган бўлардик", деди Конте.
19-апрель, шанба куни “Наполи” сафарда “Монца”га қарши баҳс олиб боради.
