Bungacha "Liverpul" ustozi bo‘lib ishlagan ispaniyalik murabbiy Rafael Benites mersisaydliklar hujumchisi Muhammad Saloh haqida o‘z fikrlari bilan o‘rtoqlashdi.
"Agar futbolchi o‘zini yaxshi nazorat qilsa va yuqori saviyada o‘ynashda davom etsa, yoshning ahamiyati yo‘q. "Oltin to‘p"? Shubhasiz, Muhammad bu mukofotni olishga loyiq," - deya mutaxassisning so‘zlarini keltiradi Marca gazetasi.
Avvalroq, misrlik forvard mersisaydliklar bilan hamkorlikni 2027 yilning yarmigacha uzaytirgani ma’lum bo‘lgandi.
Saloh Angliya chempionatining joriy mavsumida 32 ta uchrashuvda maydonga tushib, 27 ta gol va 18 ta golli uzatmani o‘z hisobiga yozdirib qo‘ydi.
