Бунгача "Ливерпуль" устози бўлиб ишлаган испаниялик мураббий Рафаэль Бенитес мерсисайдликлар ҳужумчиси Муҳаммад Салоҳ ҳақида ўз фикрлари билан ўртоқлашди.
"Агар футболчи ўзини яхши назорат қилса ва юқори савияда ўйнашда давом этса, ёшнинг аҳамияти йўқ. "Олтин тўп"? Шубҳасиз, Муҳаммад бу мукофотни олишга лойиқ," - дея мутахассиснинг сўзларини келтиради Marca газетаси.
Аввалроқ, мисрлик форвард мерсисайдликлар билан ҳамкорликни 2027 йилнинг ярмигача узайтиргани маълум бўлганди.
Салоҳ Англия чемпионатининг жорий мавсумида 32 та учрашувда майдонга тушиб, 27 та гол ва 18 та голли узатмани ўз ҳисобига ёздириб қўйди.
