"Liverpul"ning sobiq himoyachisi, hozirda futbol eksperti Jeymi Karrager "qizillar" hujumchisi Muhammad Salohning bu mavsumdagi o‘yini qanday o‘zgarganini aytdi.

"Saloh har doim eng yaxshi to‘purar bo‘lgan, ammo hozir u golli uzatmalar qiroli. O‘ylaymanki, kelajakda Muhammadning jarima maydonchasi chetida to‘pni qabul qilib, jamoadoshlariga yordam berayotganini tez-tez ko‘ramiz. Saloh bu mavsumda bu ishni juda ko‘p qildi va u buni tez orada amalga oshiradi deb o‘ylayman", - deydi sobiq futbolchi.

APLning 32-turidan o‘rin olgan “Vest Xem”ga qarshi o‘yinda Saloh vinger Luis Diasga golli pas berdi. Bu pas misrlikning Angliya chempionatining joriy mavsumidagi 18-golli uzatmasi bo‘ldi.