Leverkuzenning "Bayer" klubi o‘ng qanot himoyachisi Jeremi Frimpong faoliyatini Yevropaning top-klublaridan birida davom ettirishi mumkin.

Insayder Nikolo Skira xabariga ko‘ra, 24 yoshli niderlandiyalik futbolchini 1 iyuldan 15 iyulga qadar "dorishunoslar"dan 40 million yevro evaziga sotib olish mumkin bo‘ladi.

Frimpong hozirda Transfermarkt portalida 50 million yevroga baholanmoqda. Uning shartnomasi 2028 yilgacha mo‘ljallangan.

Jeremi joriy mavsumda 44 ta o‘yinda 4 ta gol urib, 11 ta golli uzatma berdi.