Usmon Dembele "Aston Villa"ga qarshi o‘yinda "PSJ"ning kayfiyatidan norozi bo‘ldi.
Parijliklar Chempionlar Ligasi 1/4 final javob o‘yinida mag‘lub bo‘ldi (2:3, birinchi o‘yin - 3:1).
"Biz o‘zimizga talabchan bo‘lishimiz kerak, ayniqsa, bunday o‘yinlarda. Biz vazifani o‘zimiz uchun murakkablashtirdik.
Ikkinchi bo‘limda bo‘shashdik va o‘zimizni juda yaxshi deb hisobladik. Yarim finalda yanada talabchan bo‘lishimiz kerak. Bu o‘yin bizga keyinchalik kerak bo‘ladi.
Biz keyingi bosqichga chiqdik va bundan mamnunmiz. Endi ishga qaytamiz. Finalga chiqish uchun qo‘limizdan kelganini qilishga harakat qilamiz," - dedi "PSJ" vingeri Canal+ efirida.
