Dortmundning "Borussiya" klubi yarim himoyachisi Paskal Gross jamoasining Chempionlar Ligasi 1/4 finalidan o‘rin olgan "Barselona"ga qarshi javob o‘yini rejasini oshkor qildi.

Eslatib o‘tamiz, "asalarilar" uchrashuvda 3:1 hisobida g‘alaba qozonishdi, ammo ikki o‘yin natijasiga ko‘ra raqibga imkoniyatni boy berib, turnirni tark etishdi.

"Biz yaxshiroq, dadilroq o‘ynashni va maydonda bir-birimizni ko‘proq qo‘llab-quvvatlashni xohladik. Bugun shunday qildik va umuman boshqacha o‘yin bo‘ldi," - deya futbolchining so‘zlarini keltiradi UEFA matbuot xizmati.

Grossning tan olishicha, agar jamoa birinchi o‘yinda ham shunday o‘ynaganida, qarama-qarshilik natijasi boshqacha bo‘lishi mumkin edi.