"Bavariya" hujumchisi Xarri Keyn Myunxenda bo‘lib o‘tgan Chempionlar ligasi 1/4 final birinchi o‘yinidagi g‘alabadan so‘ng "Inter" futbolchilarining xatti-harakatiga to‘xtaldi.
"Neradzurrilar" o‘tgan seshanba kuni "Allians Arena"da 2:1 hisobida g‘alaba qozonishdi.
O‘yindan keyingi intervyusida Keyn "Inter" erta bayram qilayotganini aytdi.
"Balki bu shunchaki his-tuyg‘ulardir, lekin menga "Inter" erta bayram qilayotgandek tuyuldi.
Hozir bu gaplar unchalik muhim emas deb o‘ylayman, baribir "Inter" futbolchilarini va butun klubni juda hurmat qilaman.
So‘nggi daqiqalarda gol o‘tkazib yuborsangiz, his-tuyg‘ularingizni jilovlash qiyin. Ko‘p jamoalar "Alyans Arena"da "Bavariya"ni mag‘lub eta olishmaydi, shuning uchun ertaga "San-Siro"da biz ularni mag‘lub etsak, juda xursand bo‘lamiz", – dedi Keyn matbuot anjumanida.
