Londonning "Arsenal" klubi bosh murabbiyi Mikel Arteta jamoasi Chempionlar ligasi chorak finalida "Real"ga qarshi javob o‘yiniga qanday tayyorgarlik ko‘rayotgani haqida gapirdi.

"Bizga nima g‘alaba keltirishiga e’tibor qaratishimiz kerak. Ushbu turnirda o‘z tariximizni yaratish uchun ushbu muhim o‘yinga imkon qadar yaxshi tayyorgarlik ko‘rishimiz kerak. Biz bunga qodir ekanligimizni allaqachon ko‘rsatdik va bu o‘z qobiliyatimizga ishonch bag‘ishlashi kerak", dedi Arteta.

Eslatib o‘tamiz, “Real” – “Arsenal” uchrashuvi 16-aprel, chorshanba kuni “Santyago Bernabeu”da bo‘lib o‘tadi.