Bundesligadan Chempionlar Ligasi yo‘llanmasi uchun da’vogarlardan biri hozirda yangi hujumchi qidirmoqda.

Nufuzli jurnalist Florian Plettenbergning ma’lum qilishicha, Frankfurtning "Ayntraxt" klubi joriy mavsumda ijara asosida "Las-Palmas" sharafini himoya qilayotgan Fabiu Silvani yozgi transferlar oynasidagi maqsadlari ro‘yxatiga kiritgan.

Nemis klubi va 22 yoshli portugaliyalik bilan shartnoma imzolagan "Vulverxempton" o‘rtasida dastlabki muzokaralar boshlangan. "Burgutlar" rahbariyati futbolchini jamoa tarkibini kuchaytirish uchun juda qimmatli variant deb hisoblamoqda.

Portugaliyalik iqtidorli futbolchiga Yevropaning boshqa yetakchi klublari ham qiziqish bildirmoqda.

Bu mavsumda Fabiu Silva "Las-Palmas" safida barcha musobaqalarda 24 ta o‘yinda maydonga tushib, 10 ta gol urdi va 3 ta golli uzatmani amalga oshirdi. Mashhur Transfermarkt portali uning narxini 20 million yevroga baholamoqda.