"Bavariya" hujumchisi Xarri Keyn "Inter"ga qarshi o‘yinda jamoaning omadsizligi haqidagi fikrlari haqida gapirdi. O‘tgan hafta myunxenliklar o‘z maydonida milanliklarga mag‘lub bo‘lgan (1:2), javob o‘yini durang (2:2) bilan yakunlandi.

"Biz g‘alaba qozonish uchun hamma narsani qildik, bu ikki uchrashuvda bizda yetarlicha imkoniyatlar bo‘ldi. Bunday vaziyatda standartdan ikkita gol o‘tkazib yuborish jinoyat edi, o‘yinni butunlay o‘zgartirib yubordi. Biz g‘alaba qozonishga juda yaqin edik.

Futbol lahzalardan iborat va “Inter” o‘z imkoniyatlarini bizdan ko‘ra yaxshiroq ishlatdi. "Bavariya" futbolchisi sifatida siz Chempionlar ligasining yarim finalida, finalda o‘ynashni kutasiz. Biz dunyoning istalgan jamoasini mag‘lub eta olishimizni bilardik, ammo bu futbol. Biz mavsumni muvaffaqiyatli yakunlab, Bundesligada g‘alaba qozonishimiz kerak", dedi Keyn.