"Santos" hujumchisi Neymar "Atletiko Mineyro"ga qarshi Braziliya A seriyasining 4-tur uchrashuvida maydonni tark etishga majbur bo‘ldi. 33 yoshli futbolchi asosiy tarkibda maydonga tushdi, ammo jarohati sabab 34-daqiqada almashtirildi.

Yulduz forvardning jarohati qanchalik jiddiy ekanligi hozircha noma’lum. Neymar yaqinda jarohatidan forig‘ bo‘lib, Braziliyaning yangi chempionatining dastlabki ikki turini o‘tkazib yubordi.

“Fluminense”ga qarshi o‘tgan o‘yinda futbolchi tanaffusda zaxiradan maydonga tushgandi. Bugun "Atletiko Mineyro"ga qarshi o‘yinda Neymar almashtirilganida "Santos" 2:0 hisobida oldinda borayotgandi.