"Nyukasl"da to‘p tepayotgan italiyalik yarim himoyachi Sandro Tonali faoliyatini boshqa klubda davom ettirishi mumkin. Bu haqda insayder Sasha Tavoleri xabar berdi. Jurnalistning so‘zlariga ko‘ra, futbolchi yozgi transfer oynasida jamoasini o‘zgartirmoqchi.

Futbolchini Yevropaning ikki grandi "Real" va "Manchester Siti" yaqindan kuzatib borishmoqda. 24 yoshli yarim himoyachining transfer qiymati 45 million yevroga baholanmoqda. Sandroning "magpiylar" bilan shartnomasi 2028 yilning yoziga qadar mo‘ljallangan.

Tonali joriy mavsumda Angliya Premyer-ligasida 30 ta o‘yin o‘tkazdi. Italiyalik futbolchi uchta gol urdi va ikkita golli uzatmani amalga oshirdi.